متعبه

متعبه

احس بـ آهـ تخنقني جارحه حيل و متعبه

شوك بصدري نبت يرتدي ثوب السكون

يهتز بي لو حكيته ولا جيت ابكتبه

يفرض علي يا اكنه او بدونه ما اكون

احس بخوف ذابحني .. احس الليالي مرعبه

حتى قلبي اخاف منه انه يغدرني و يخون

حالي بدا ما يسر فوسط ذاتي ذايبه

امانه يا البال اهدا.. بدت تنهيني الظنون

الي عشته في مره ماعاد بي اعيش به

والي ذقت انا مُره .. مره بعمري يكون

اوقف ,اسير,اطير ثم اطيح.. مترتبه

كرَّا اخافها .. تحدني الى حد الجنون

امانه لو بقالي جرح مكتوب اني اشربه

ياظالمي ارأف.. اذا فيوم كنت ليَ عون

دوس الامل بيك دام الاماني كاذبه

لكن هونك ..جرح على جرح ما يهون

 شي قبلك .. ملك فؤادي و استثاره فعذبه

وتركلي بقايه من قافية اسمه حرف نون

حزن و آن رغمه احن يا مسهله و اصعبه

احساس طاغي تبتسمله شفاتك و تبكيه العيون

هذا هو الانكسار .. معنى كلمة (متعبة)

يعنى شوك بصدري يرتدي ثوب السكون

دعاء الجفري 

اختار

اختار 

تحاسبني على الكلمه و تخسف كيل ميزاني

تنسى الي سويته و تجازي عطاي بالانكار

مادري قلبك القاسي ولا شور احد جاني

عموما لا تحيرني بيني و بينهم اختار

انا مالي في سوء ظن و قسم بالله لا ماني

ولكن هذا حال الناس , مريضه من دمها بتغار

انت اختار لك درب و انا فـي مكاني تلقاني

متى ما يحكم ضميرك حدد وجهة المشوار

ولا تحن ولا تعطف.. اذا هالحكم بكاني

ولا تزعل اذا حزني فاض عن صمتي و ثار

عادي دام قربي منك موتني و احياني

اتوقع رد فعلي لك شي ما قد مني صار

ياخي يعني وش فيها لو اتعب بعدك واعاني ؟

اذا ودك تفارقني حط اللوم على الاقدار

عشان تنام في ليلك وعشان تقوى و تنساني

الله يجبر كل الي ينادي ( يارب يا جبار )

حبيبي ,

انت لي خيره وانت هي عوبة زماني

يكفيني منك ما جاني و صون العشره و الاسرار

خلي ما بقى بحيلي ,خلي بقايا وجداني

و دثر صيتي الطيب و ذكرة خير يا دثار

ادري صعب حيل انساك ,وبحبك ربي بلاني

و ادري كثيره و ربي الي ما بيننا دار

وقتي الي عشته معاك ..سلبني مني , اعماني

صرت انا ماهي انا , شي يلفت الانضار

عدت تشكيلي من الاول يا هادم ويا باني

يا شرير , من بعدك عشقت زمرة الاشرار

ادمنت غروري  و طيشي ولحظات زعلي و جناني

صعبه بعد كل هذا تصير لي بس تذكار

كل هذا لاني قلت: اتمنى منك ..يا اناني

وانا الي قدمت لك عمري ولا قدمت لي اعذار

ولا جاني منك شي على هالجرح واساني

تلقيت الصدود و زدت على جروحي حروق بنار

وتبي تبعد ؟... 

ما لك عذر , بايع مابه سبب ثاني

مابي عذر ...

ما انخلق جنه للمحسنين من الكفار

 اختار .. دون ما تظلم ترى هذا العمر فاني

يا اغلا اسم رددته و حسدت عليه المزمار

و اغلا من سكن قلبي .. اسعدني و اشقاني

اعطاني ضحكتي و دمعي و خلاني بينهم احتار

اختار بعدك او قربك .. فيني امال و اماني

وترى في بعدك او اقربك بيقبى للجروح اثار

دعاء الجفري 

مشكله

مشكله

مشكله هذا العنى.. فيني ولكن اجهله

انا آهـ يا انا .. صعب اعرفلي طريق

شي ناقصني و ابيه و محال اقدر اوصله

وشي ما بين الايادي عيى قلبي له يطيق

مبهم احساسي و خوفي مالهم بالواقع صله

ومالها سلطة ضروفي لا شعرت بهم و ضيق

فراغ استطون فؤادي تكثر حوله الاسئله

ما الحل و لي متى.. و ليه ما يكفي الرفيق

كل ما زارني هالشعور ودي بايدي اقتله

يكسر بذاتي غرور و يشعل بجوفي حريق

ماعرفت لنفسي حل وهذي اكبر مشكله

معقوله هذي قيود ذاك الماضي العريق ؟!

دعاء الجفري

لقافه

لقافه

بعض الناس فيهم من اللقافه الكثير

لو عليهم يحكمونك ايش تاكل و تشرب

لو تصد عنهم قالوا عنك حقير

ولو تساير سيرهم قالوا غير مؤدب

يا كم من بالغ ذو عقل تافه حقير

همه حياتك ولو فرحت, هو يتعذب

الله بنوايانا ادرى و الله بهم بصير

دعوا الخلق للخالق , لنا حسابنا و رب 

دعاء الجفري

دلوعة ابوها

دلوعة ابوها 

ملك استوطن ضلوعي و عمَّر في ذاتي حضاره

هو اسطوره من فخر عجزوا الفطاحل يكتبوها

يا هنيالي  بوجوده و حظ هالدنيا و دياره

احسبوها قصة تباهي او غرور به احسبوها

يكفي لا العاذل حكا وقصده لدموعي اثاره

قال: هي شويه حروف اسمعوها ثم عوها

ما انخلق الي نواى على هالقلب انكساره

مين تكنوا قدامها .. لجل تقوا تجرحوها

اغلا البنات بنت الحور و تاج العذاره

بكل رضى منكم , ست الحسن تسموها

ندري ماهو بس .. ابرار و هَيا و ساره

كل البنات يغاروا منها و عالدلال يحسدوها

طبيعي دام انها تهدي لهالكون ازهاره

و انفاسها لي دخون .. و تعطر الي يصافحوها

طفلتي مثل القمر ولكنها تبعث اناره

ودهم نجوم السما من احضاني يخطفوها

وكل فارس من حلاها صار مرهون الاشاره

ولكن صعب منالها و صعب انهم يلفتوها

جاتني من ربي هبى مثل المطر لي بشاره

اكتفي بيها فخر انا ملك و هي سُموها

فيها اخلاق و ادب و دين و شموخ و شطاره

كامله و الكامل الله .. حبيبتي دلوعة ابوها

هيهات تبكي عينها .. دمعها عالدنيا خساره

هيهات ..هيهات , الا ثراء ما تزعلوها

دعاء الجفري 

اغلا بكثير

اغلا بكثير  ..♥

اغلا بكثير .. من لولو و الماس و حرير

عطيى من عطايا الرب عساه ما يوم يحرمني

لا صداقه ولا اخوه .. اكثر والله بكثير

اخاف عليهم وربي من عيوني احسدني

انا ما اموت فيهم بس انا اعشقهم بضمير

ما يغنيني عنهم شي كيف عنهم انا استغني

واثقه انهم نضر لو صار قلبي ضرير

ابد ما انخذل فيهم وممكن نفسي تخذلني

دعاء الجفري

تخرجنا

تخرجنا

سنين مرت و احنا قلوب بواحد صدر مجموعه

اذا يعطش منا قلب سقاه الكل من دمه

ولو واحد ضاقت فيه  الثاني فتح له ضلوعه

دارى حزنه و واساهـ و زاح باسه و همه

تعودنا نحس ببعض و حروف الصمت مسموعه

انطق حرف توأم روحي قبل ما ينطقه فمه

هدف واحد و جمعنا ومشى الكل على طوعه

نبي نجح و نتخرج وكل واحد وله حلمه

كم منا ارتقى قدره بثنية ظهره في ركوعه

يطلب ربي توفيقه , ودعوه حلوه من امه

و في عتمة ليالي الجهد اشعل بكفه شموعه

في داخله حلم ينبض ابد ما تقتله الظلمه

اول همومه كتابه ابدى من نومه و جوعه

تعبنا, سهرنا وانجزنا ..صحيح ذاكرنا بذمه

و في ليلة تخرجنا كلنا يعبر بدموعه  

من الفرحه من راحه و احلا مشاعر ملتمه

نص قلوبنا تضحك و النص الثاني موجوعه

نجحنا و هذا دوا القلب و نهاية عامنا سمه

بنشتاق لذكرى شدتنا وضحك و اشياء ممنوعه

قصص تونس و واستنا تحكيها الي ما تتسمه

ونشتاق يوم ننادي بعض يا شينه و يا دلوعه

كثير اشياء في ملامحنا من الاشواق منرسمه

اشتقنا للماضي قبل يفوت ياليت يعلن رجوعه

عسى الله لا يفرقنا , اخوهـ بمعنى الكلمه

دعاءا لجفري

طلة قمر

طلة قمر

يا عيون الناس والدنيا غضي النظر

عن جمال ماكان غير بكان يا مكان

ولا صلي ع الرسول يا عيون من حضر

يا عيون تجهل الحسن وبتشوفه الان

يشرق ببياض ثوبه طلته طلة قمر

تجمع حلو المحاسن وتوسدت انسان

يسمونه الدلال الجمال او ابرار بالمختصر

عروس اليوم وباكر وباقي الزمان

طلي الليله وعلمي كل البشر

ليه البدر من عيونك خجلان

وليه اقول حسنك ع البال ما خطر

وانتي ما بعد ضيك ضي بكل اوان

وبهالمكان القمر والشمس جمعهم قدر

وصاروا حياه او للحياه عنوان

يوم التقت ملاك الكون و اغلا الدرر

بالفارس الذي اتربه على الاحسان

طلي الليله وامشي على ورد وعطر

مع يوسف و قوليله مالت له الاغصان

غصن قلبك وغصن احلا الزهر

وغصن الهنا باذن الواحد المنان

علميهم انك هبه له بعد ما انتظر

من الله ويشهد الله انه اذا صان صان

اشرقي يا احلا عروس للي حضر

واحكي بطلة جمالك كل الي ماكان

دعاء الجفري 

هَيا

♥هيا

كل عام  و هِيا اغلا من على الدنيا انخلق

عيد ميلاد الليلة احلا و اروع هَيا 

كل عام و كل وردة ,في ايدها صارت ارق

وكل عذراء من حياها تاخذ اسلوب الحيا

من طيبها .. طيب البشر شوي ومنها انسرق

و اتوزع مثل ما صار في الذوق و في الحلا

ما اتكلم عن غلاها بس قلبي الي نطق

في عيونكم مجرد هَيا , وفي عيني كل الملا

دعاء الجفري

ست البنات

ست البنات

جات ع الدنيا طفله و النور منها انتشر

و الورد صار الليله يأخذ من خدها ألوانه

تفوح من شعورنا فرحه ويفوح منها العطر

وقرَّت الليله عيون تسعه شهور ولهانه

من الفرحه جدها ملت الدنيا زهر 

وصلى ع النبي ابوها قمر نايم باحضانه

هي نور في طفله أو ملاك من بشر 

عساها تكبر و تصبح مهديه و أروع انسانه

امها بضحكه تتحمد ربي و تردد شكر 

على بنوته بللفه .. محاره بوسطها دانه 

وخالتها من الفرحه تكتب فيها الشعر

يارب كبر و أحفظ ست البنات روزانه

دعاء الجفري

امي

♥ أمي

يا اغلا ما على الدنيا شافته عيني

منبع البسمه يا امي و يا كل الحنين

بايدينك زرعتيني واخذتيني من ايديني

وعساني فخرك الي تجنينه من سنين

رسمتي لي بدايتي وبحياتي عناويني

خليتي الادب ساسي وبنيتيني على دين

يا اجمل كلمه يا امي ويا جميل كاسيني

ما يوفيه كل عمري قولي بس وشتبين

ياول حب في قلبي وغلا يجري بشراييني

ونور يسكن عيوني, يساويك بحياتي مين؟

يا امي وجودك بس في هالدنيا يكفيني

ودفاه صوتك يوم انك بيابنتي تنادين

وبدونك بهالدنيا ابي اعرف انا ويني

من دونك لاهوا ,لا دوا.. ولا شي يزين

عساك تبقي لي دايم تعينني وتظميني

ياحضن لو يحتضن صخر من حنانك يلين

ابي رضاك يا امي وما غيره بيرضيني

ابيك دوم تدعيلي وانا دايم اقول امين

شوفي حصادك يا امي اهنيك وهنيني

من فرحك ابي فرحي ومن فرحتي تفرحين

يا اغلا ما على الدنيا شافته عيني

منبع البسمه يا امي و يا كل الحنين

لها ♥

  بعروقي جرا دمي

بها ♥ 

اقهر ظروفي و همي

و لو ..

 من حياتي اقدر اخذ ايام

و من الروح قطعه ..بعطيها ..

 واسهر لها ليلي ما انام

العين فراش و الرمش يغطيها..

و اخلق اعجوبه من حلو الكلام

مافي كلام  ينصفها و يوفيها ..

وخالقي ♥

 ما انخلق مثل امي

دعاء الجفري