لا لي حول او قوه

لا لي حول او قوه

امانه لو عشق غيري يادنيا لا تخليني

اموت غيره اوحسره و اعيش العمر مكسوره

امانه لو عشق ثاني بغيره حب هنيني

ينسيني قسى وقتي يداري قلبي وكسوره

انا لو مرني ظله يبوح شوق بعيني

فضيحه نظره العاشق تذل شموخ مغروره

لالي حول او قوه على حب معنيني

جبرني حظي اعيشه وعلى فرقاه مجبوره

اشوفه من بعد غيبه وله هيبه تبكيني

اغض الطرف عنه و يذبحني دفا نوره

معنى نظره في سكوته ادري يافلانه تبيني

و معنى بسمته لي يا اغلا حب معذوره

ادري به  يحبني موت ويدري بلهفة حنيني

و مؤمن الفرقا قدر مكتوب وبانت سطوره

قهر لو دارت الايامي وشفته بيوم ناسيني

اسال عنه ويقول بخير يا اختي مشكوره

قهر وياخالقي ارجوك من هاليوم تعفيني

ما اتحمل الم نكران ويكفي عـ الفرقا صبوره

واذا هو قدر غيري  يارب بغيره ارضيني

حتى لو التقينا بيوم القا من اخذ دوره

دعاء الجفري

نفسي غنيه

 { نفسي غنيه }

الخطا وارد و هذا من طبع البريه

لكن المشكله لو صار الخطا عاده

عادي اسامح مره و مره الين ميه

قدري السامي ما نقص في الاعاده

ماهو من طبعي ارد  الردي بالرديه

ما ورا نقاش الجاهل ثروه او افاده

اخلاقي اعلا من بعض اخلاق دنيه

وشموخي بصمتي يحرم عذولي مراده

و النسب يكفيني ويغني عن اذيه

ظامن امانه من هو عاشر الساده

دعاء بنت السيد الشريفه الهاشميه

ال بيت الذي اموت و احيا بوداده

من " نسلي الطاهر" انزرع طهر فيه

عظيمه لين موتي ومن قبل الولاده

في امان الله وعنك نفسي غنيه

روح دام ذاتك معاي الذوق ما اجاده

في داعة الله .. يا مفارق بنت جفريه

ذكرى تصوغ منها تاج عالراس و قلاده

دعاء الجفري

لعيونك بس

♥ لعيونكـ بس

اموت بكلمه حلوه منك .. 

وكلمه منك تحيني

الدنيا بكل ما فيها .. 

بدونك ما ملت عيني

انا مابي احد غيرك .. 

و حبك بس يكفيني

رجيتك يا بعد هالناس ..

 لغيرك لا تخليني

♥

اذا مرت علي ايام ..

 وطالت غربة سنيني

واذا في دنيتي غيرك ..

 نبض القلب يفديني

وغلاتك عندي ما انساك .. 

ما في شي ينسيني

انك قلبي وعيوني ..

 وروحي وكل ما فيني 

♥

يا سيد اصدق احساسي ..

ولهفة شوقي وحنيني

اذا ما مرني طيفك ...

 وسط الليل يسليني

احس كل هم الكون ..

 تجمع وانسكن فيني

 ومن قلبي اقول  يارب .. 

لعيونك بس يخليني

دعاء الجفري

دعاء الجفري

بذمتكـ

بذمتكـ 

كذب ان قلت اني بخير بعدك 

وادري انك بعدي بالف خير

لو اعرف انك تعاني فـ بعدك

لك اجيلك حافي الا لك اطير

فيني صبر خاين ياخاين بوعدك

وين النظر بعدك بدونك ضرير

كأن الزمن يبتدي ويموت عندك

توقف عليك انفاسي و حلمي الكبير

القلب حبك ولا سمّعته حدك

عشت ايامي احيا بك مصير

لميت عمري و حطيته في يدك 

فداعة الي يداوي هألجرح المرير

ايا مفارق القب و راحل لوحدك

شوف حاله داخل احضاني كسير

ما رحل وياك عاش وافي لعهدك

يعيش فيني وينبض بك للاخير

ان عاندك و قتك او صار ضدك 

امانه اذكر الي فـ ايدينك اسير

لا عاش هم و دمع زار خدك

بـ اداوي حزنك وحزني منك يغير

و ان جابك الشوق وللذكرى شدك 

بـ اسامحك دون لا افكر و استخير

ما عاش بي قلب يقوى يردك  

بذمتك قلبي مثله فـ الدنيا بيصر ؟

دعاء الجفري

الا الخيانه

الا الخيانه

كل خطا منك اخلق له عذر 

الا الخيانه في شرع حبي كبيره

لو تعزف اعذارك لو تبكي مطر

ما طهر جرحك ولا خف تاثيره 

اكره غرامي لك و يملاني القهر

ليه كانت لي مشاعر ضريره

بالقلب نبضه ورا نبضه تنتحر

مسكين هذا القب بايدك مصيره

ماهي حكايه عاشق و خاطر انكسر

ولا مفارق روح في روحك اسيره

لو تعرف بمعنى الخيانه يا بشر 

 ما تثق حتى بهوا تتنفسه ديره 

صرت اخاف من ظلك لي حضر

بايده خاينه لي او جرح غيره

وجودك يعني احساسي في خطر

اتفه الزلات منك جرحي تثيره

ابعد عن دروبي انوي عالسفر

هاجرعن كياني والعقل و تفكيره

ممكن يذوب ما بين ضلوعك حجر

ممكن يحس بان طعناتك مريره 

لملم الماضي واحلا ايام العمر

و اتامل جروحك بي للمره الاخيره

لا ضاع الوفى ضاع من بعده الصبر 

هي خيانه والسلام وهالبعد خيره

دعاء الجفري

لا يطول الغروب

لا يطول الغروب

لايطول الغروب ..و اشعر اني في ظلام ..

خايف بصدري تذوب .. اصدق ايام الغرام

وتتعب عيوني سهر ..وذكرى عيت لاتنام

واموت شوق او قهر ..بس ميت والسلام

"لا يطول الغروب"

خايف ياخذني اليل 

و انسى نورك يالنهار

لين يتعبني شعاعك

لو حظر بعد غيبه 

خايف القالك بديل

ويشح فيني الاعتذار

لو حس قلبي بغيابك

وطاح بايادي غريبه

__________

قلتلك لا يطول ..و اشعر بجوع اهتمام 

دخيل الله قول .. بداء يرعبني الكلام

صدى صوتي اسمعه ..ذل احساسي حرام 

صمتي مين معه .. يفهمه او فيه هام

"يوم طال الغروب"

غير عبراتي الحزينه

حطمت نجمة بظلامك 

و طفى دمعي النجوم

ما بقى باليل غيري

وين نورك قول وينه 

تدري من شوقي لكلامك

ودي اتبخير غيوم 

ودي اشعربك اسيري

_______

لين ينتهي الغروب ... وانزل بصبحك مطر

وداخل صدرك اذوب .. ولا بروحك انتثر

لا تعب لا سهر .. معاك طول العمر

لا شوق ولا قهر .. ماعد لك مني مفر

"وبعددها ما تغيب"

 فيك نبض ودم

فيك شوف وحروف

فيك احلام و اماني

واحساس بك يدفيك

لك فرحه و هم 

ساق وذراع وكفوف

ماني شخص ثاني

كلك انا فيك

دعاء الجفري 

اصعب احساس

اصعب احساس

تدري ايش اصعب احساس 

يوم فجأه اقطع وصالك 

اشتاقلك ...ولا اقدر اسأل على حالك

وتصير لحالك ..

كل ناسي وكوني

و صورة تسكن عيوني

واحساس يهيج شجوني

يا ترى .. ايش في بالك ؟!

بعدي بعينك على خبري 

ما تغير شي من قدري 

ولا طحت من عينك مع دموعك 

وانطفى الامل .. وذابت شموعك 

يوم جاك مع الغير عذري

تدري ايش اصعب احساس

يوم يقولوا ما تبيك .. مالك ابد فيها نصيب

و اصرخ بصمتني ابيك .. انا من دونك غريب

انا من دونك .. اضيع 

عالمي .. يصبح فيضيع 

دنيتي .. بحر بلا مراسي 

و كلمتي .. كلها مأسي 

حتى نومي .. وهو نومي 

لحظه .. يسكنها نعاسي 

كلي طموح وصرت اقول ..

مستحيل  وما يصير وما استطيع 

طموحتك بعدك تضيع

فيني ذكرهـ

تبكيني

من عيوني حبر .. ومن خدودي اوراق

واكتبت بي شعر .. و اشتكي هم الفراق

يعني كل الملامح تصرخ .. مشتاق ,مشتاق

و على فكره 

يا عيني ..!

لي ما تشتاق ؟

اصعب احساس وهذا الي ذابحني 

كنت اسولف للناس عنك ..

وصرت احتري خبر عنك يريحني

ولا ادري ايش بيوصل لاذنك 

من حكيهم لك عني 

ولكن مهما هم حكوا ..

وعلى لساني كذبوا ..

مثل ما عودتني .. تكذب الدنيا وتصدقني 

لانه اصعب احساس ..

كل دقيقه با انتحر ..

وكل وقتي انتظر 

بس خبر ..

منك خبر ..

تقول ... بعدك على خبري 

و ترضي على الظيم صبري  

دعاء الجفري

يا من جبرني

يا من جبرني

يا كيف اقنعه .. وانا جاهل باقناعي 

يا كيف انهي بكلمه كل احلامه 

آهـ من وقت جبرني البس قناعي

آهـ يا من جبرني صوب سهامه

كذبت حبي له وطحت في قاعي

كل من شاف حالي يسألهم علامه 

ماني بمجنون ولكن ماني بواعي

ولا اذكر العقل غير بذكره ايامه

قلت انتهينا و زادت علي اوجاعي

ليا مني تذكرت عبراته بكلامه 

يا زمن قاسي والقسى تجهله اطباعي

والله ما اقوى على نظرات الملامه 

ان كان عيه ضميره ظروفي يراعي

ضميري ذبحني حتى الليل ما انامه

ليه يعاتب و العتب ماله اي داعي

ليه يدمع و دمعه اعشق اعدامه 

ان كان قصده به يلوي ذراعي

كلي تكسرت انا و طحت قدامه 

يعني انتهيت قبل اعلن وداعي

من بعد ما قال لي درب السلامه 

دعاء الجفري

صرخة اجحافي

صرخة اجحافي

يعني قلتوا ما تبوه .. ظلمتوه دون تبرير
جرحتوني وجرحتوه  .. ولكن الله الشافي
بس ابعرف إلي صار.. قلتوا شي ما يصير
ايش الي جاكم بس منِّه..غيَّر صوره الوافي
حكيكم كذب و خرافه وكذبكم طعمه مرير
وأنا ما أكذب عيوني وقلب بالحشا خافي
لين متى فيكم غرور ؟! أو متى يصحئ الضمير ؟!
لين متى اكتم شعور ؟! .. ابعلن صرخة اجحافي
لأني ما عشقته بسهوله لأنه يعنيلي الكثير
لأني من عجاج الوقت اهرب لقلبه الصافي

فهموني كيف اسيبه ..! حبي الأول و الأخير
حتى لو أرضئ  ببداله .. مثله بالبشر مافي
هو جناحي بالهوى .. كيف من دونه اطير ؟!
كيف اخسر شخص يجيني يمشي عالجمر حافي..!
أميري ما اجمل أخلاقه بمعنئ الكلمه أمير ..!
من كمال اوصافه أخاف تقصر اوصافي
أميري من كثر ما أحبه حتى لو يصبح فقير
ارمي كل أحلامي واشيله فوق أكتافي
ادري واقعه يسمح يهدي لي لولو و حرير
وادري بواقعي ما اسمح غير بحضنه لحافي
دامنا نحنا سوا والله يكفينا حصير
هذا إلي لو بردت يشتعل لجل اصير دافي
ما أجمل الدنيا معاه لو قوتنا ماء و شعير
وما أجمل شعور الأمان لو قال لي لا تخافي
لا وهذا ما تبونه و حكيكم عنه حقير
حقيره جد نظرتكم كافي يا بشر كافي
لين متى فيكم غرور أو متى يصحى الضمير
لين متى اكتم شعور ابعلن صرخة اجحافي

دعاء الجفري

مـــاهو بايدي

مـــاهو بايدي

ماهو بايدي شعوري ..كل أحاسيسي بلايه

ومارفعني حظي لك ..بس على دربك رماني 

ماهو بايدي حبيتك ..والله ماهو برضايه 

وماهو بايدك تحبني .. بس ربك بحبك بلاني 

اتعلقت بشي فيك وخلاك .. بعيني كلك مزايه 

لا تسألني عن غرامي عن هيامي من وين جاني

حتى أنا فجاني ذاتي.. وانشغل بالي بهوايه

ليه أنا فعلاً أحبك ..وعندك يغلبني حناني 

ليه شوفتك تكسيني برد وتنزع مني دفايه 

ودونًّ عن عيون الناس .. شيٍ بعينك عماني

خلاني على شوفة عيونك .. غصب يأخذني لك عمايه 

وما اشوف من الدنيا .. غير انك شيء تاني 

ماكنت ناوي اوضحلك .. وأعلن خضوعي ورجايه

ماكنت ناوي اوضحلك .. كنت أبي وحدي اعاني

لأمن درى ولا سمع ولا حس احساسي سوايه

ولكن مثل ماحبك غصب عني ..نفس الشي اعلاني 

ما فضحني غير حاجه .. م اإقدر ألمحها بمرايه

ارتديها لو حضرت .. وينهز بحضورك كياني 

وتختلف فيني الملامح ،، وتفزلك كل الخلايا

يعني مهما اداري ... واضحه كل المعاني 

دامني اليوم صارحتك .. وحكيتلك كل الحكايه 

والتمست حدة انكساري .. وسمعت لحن اشجاني 

باقولك أحبك .. أحبك .. باقولك كفاااايه

ذلني حبي لك .. يمين الله بكِّاني

ما أقولك حبني .. و أوفي لي من وفايه

ما اقولك صارع الواقع واقهر ظروفك عشاني 

بس حس بي .. لانت من احساسي الحنايه

 و فر قلبي من ضلوعه واتاسر لجلك عناني

ياكم جررحني صمودي .. دخيلك مدني بدوايه

عيشني بك أيام .. وبعدها قول انساني 

لأني من عشقي لك بارمي المستقبل ورأيه

الين يجي وقت يفرقنا .. وانزع اسمك من لساني

 و هذا الكلام اختصاره .. حبتك في الصدق ايه 

ما عرفت الحب قبلك .. لذالك ماهو بالعاني

دعاء الجفري

مكان الفرقا

.. مكان الفرقا ..

ما فكرنا بالنهايه من قبل كم سنه

فكرة الفرقا ما اذكرها مذكوره

فجأه احلامنا غابت ونامت شمسنا

حكم زمنا علينا والنفوس مجبوره

كف وداعك ياكيف تقوى تعلنه

وصدمة وداعي حطمت للدمع سوره

اخر حروف صمتك بالعبرات متلحنه

وصرخه عيونك تقول يادنيا مشكوره

افترقنا وارتبط كل منا بالعنا

وهِنا انتظرنا هَنا شح بحضوره

حبيبي ماهو بس انت وانا

لا تحزن ياكم روح هنا مأسوره

تفترق اجسادنا وارواحنا تبقى تسكنه

بمكان الفرقا الذي ينجهل نوره

منهو فينا رضى ؟ انجبرنا كلنا

نقود القدم والمشاعرعالشوك مجروره

هناك ناس تشعر وخانتهم الالسنه

وبنت متحطمه وقالوا امس مغروره

وتانيه تمسك صغير وبحراره تحضنه

لانه سمي لغلاها ولا يشبهه صوره

وشخص صاحب غريب وبه اعتنا

لانه ريحة الغالي وياعشقه لعطوره

وناس ترسم الاحلام ياحلوها متلونه

ولكنها تدري انها احلام منثوره

وشخص تشوفه وتقول يابخته اهتنا

ووحده من قلبها تضحك بالحيل مسروره

الاول مل نزيف جرح القنا

والثانيه بالقلب تبكي وتداري كسوره

حبيبي كم عشقتك والغرام انبنا

على ساس قلبي وياه يا ثبوره

نغيب احنا ويحظن بعضه ظلنا

انت معذور لو ضحكنا وانا معذوره

لاننا غير عنهم بس فقدنا ضنا

ولدته حرفين على عمري سطوره

لعلها خيره مع انها محزنه

لعلها خيره وياقلبي صبوره

وباتذكر النهايه كل ما مرت سنه

وابتسم على الذكرى الي دوم مذكوره

دعاء  الجفري