دلوعة ابوها
ملك استوطن ضلوعي و عمَّر في ذاتي حضاره
هو اسطوره من فخر عجزوا الفطاحل يكتبوها
يا هنيالي بوجوده و حظ هالدنيا و دياره
احسبوها قصة تباهي او غرور به احسبوها
يكفي لا العاذل حكا وقصده لدموعي اثاره
قال: هي شويه حروف اسمعوها ثم عوها
ما انخلق الي نواى على هالقلب انكساره
مين تكنوا قدامها .. لجل تقوا تجرحوها
اغلا البنات بنت الحور و تاج العذاره
بكل رضى منكم , ست الحسن تسموها
ندري ماهو بس .. ابرار و هَيا و ساره
كل البنات يغاروا منها و عالدلال يحسدوها
طبيعي دام انها تهدي لهالكون ازهاره
و انفاسها لي دخون .. و تعطر الي يصافحوها
طفلتي مثل القمر ولكنها تبعث اناره
ودهم نجوم السما من احضاني يخطفوها
وكل فارس من حلاها صار مرهون الاشاره
ولكن صعب منالها و صعب انهم يلفتوها
جاتني من ربي هبى مثل المطر لي بشاره
اكتفي بيها فخر انا ملك و هي سُموها
فيها اخلاق و ادب و دين و شموخ و شطاره
كامله و الكامل الله .. حبيبتي دلوعة ابوها
هيهات تبكي عينها .. دمعها عالدنيا خساره
هيهات ..هيهات , الا ثراء ما تزعلوها
دعاء الجفري
