السر

{ الــســـر ..!

عظيم السر في قلبه ساكت وينتشي خوفه

حلف ما يوم يتكلم ولو حدوه على اعدامه

صبور بصمت يتالم وتشكي همه كتوفه

واثق في سكوته كنزه وكأنه تحت اقدامه

ضيقه قلوب الناس على من ضاق به جوفه

و لا تشيله كفوف الغير لو خانت به اقدامه

هيبه تمنعه يحكي ماسك سره بكفوفه

كبير فـ عيون الناس وكل الناس لوامه

مع الايام مع الدنيا تذبل بصدره حروفه

مع الاحلام و اي احلام؟!  دام الهم فـ احلامه

له الله عزيز النفس ياعسى الضيقه تعوفه

يارب هدي له  سرٍ.. منه الليل ما نامه

دعاء الجفري

عظيمة قوته

عظيمه قوته

امتلي عزة نفس و شموخ بداخلي اتدمر

حزينه نظرة عيوني دام الغالي بكاني

اكره احساس يرعبني و يشعلني لو هو مر

كاني كل ما اشوفه اموت من اول و ثاني

رجفه ضلوعي,سكوتي ,برودي,خوفي واكثر

احاول بس استوعب كيف بوجودي ينساني

هو حزن ولا شموخ يمنعني بوجهه اتفجر

هو بقايه من خجل او قهر يربط لساني

عظيمه قوته .. ولا من قال انا اتاثر

عظيمه قوته .. هزت بي عرش وجداني

انا ما اقول غير الله [ على كل ظالم اتكبر]

على من اغليته وبحب تملك هو جاني

قلتله كلمه احبك وبعدها فعلاً اتغير

حلمه يحظه بحروفي وناله ثم جفاني

     دعاء الجفري

كافي نوم

كـافـي نـوم

قوم نور هالصباح .. كافي يابعدهم نوم

صباح الورد بانواعه  صباحك خوخ و تفاحه

ما عرفت هذا المسا .. بدونك و هذا اليوم

كيف مرت اوقاته ..ملل و اشواق ذباحه

شوف قمر ماغاب وشوف كومة نجوم

تغيب...!

تغار...!

وتخجل...!

 من مطلع الوجه وصباحه

حبيبي ..وحده من اثنين يا انام او بتقوم

مالي صبح من دونك .. فيه نور او راحه

دعاء الجفري

العام الجديد

العام الجديد

كل عام و انت ابعد من محال و رجيته

كل عام و كلي عزه اني فعلا ما اريدك

لا تفكر بالرجوع ولو رجع دمع بكيته

لا تحدني اسل حرفي والله اقطع به وريدك

انتهى عامي و غلاك و ذاتك بعيني نهيته

منت اكثر من ورق جيد الورق من جيدك

جملتك باحساسي,بكيفي كتبته و ثم محيته

و بكل برودي انتزعتك خلِ برودك يفيدك

بلا سبب ما ابيك .. هان ماضيك ونسيته

ثور بالعام الجديد .. احترق ذوب جليدك

و دي بشي جديد .. من يوم عفتك حبيته

و دي ارجعلي انا .. و ياخذك العنا بـ ايدك

من زود فرحي بالسنه .. حبيت فراقك فديته

عساني بدونك كل سنه الله علي لا يعيدك

  دعاء الجفري