يجي غيرك

يجي غيركـ

على بالك انا ببكي .. وعشانك اذرف دموعي

اذا صديت عني يوم .. واتماديت في تأخيرك

تغيب فاذبل واضعف .. ابد ماكان ذا نوعي

ماهز جمرك شي .. بثلج صدري استثيرك

باذن الي اخضعله ..حشا ما تلمس خضوعي

ولا يفرح غرورك يوم ..وتحس اني اسيرك 

انا ادوس على قلبي ..اذا زاح عن طوعي

واكره انا نفسي .. لو استلطفت عبيرك

غيب وانا باغيب .. ولا افكر في رجوعي

ما اجيت اطلب غيابك .. ولا بغيابي استشيرك 

جيت اقولك انا بايع .. هذا كل موضوعي

ماخسرت بحياتي شي ..دامني ماعرفت خيرك

لا باموت بالحسره ..ولا يزيد لك جوعي

وانت يا مسكن بدر ..وانا من شمسي انيرك 

غيب صدقني ما بخسر ..قلبي تحتضنه ضلوعي

بكل بساطه صدقني .. تروح انت ويجي غيرك

دعاء الجفري

تهددني بغيابك

تهددني بغيابكـ ؟!

مدخلـ  ღ    

تهددني بغيابك ..غيب

بس لحظه انتظر..

دامك تهوى عذابي ..

شوفني وانا احتظر

تروح..

 يعني ما بيبقى بي روح بالمختصر ..

اي يا كل العمر ..

تجبر ..

دام ما بعد لحظه غيابك لحظه دمار..

تكبر ..

دام اني اقبل خطاك بلا اي اعذار..

دامك بصدري خفوق 

وحتى من العروق اغار..

ودامك بعيني نظر ..

ربي كتب اشقى

واعشق ظلك لي حضر

وانزف غرامك غصب

واهل لك دمعي مطر

تعذبني واحبك وابيك 

بس غيب هذا قدر..!

....  ღ    ....

غيب .. وموُّت احساسي .. وباقي الماضي احيابه

واوعدك لاخر انفاسي .. بابقى للماضي وفيه 

ان كان حبك وطن ...انا من مات بترابه

وان كان بعينك خطا .. احبك ولوم فيه

مارضى اتحمل سكوتي .. وظلمك لي ارضابه

عذاب الصمت يذبحني.. وانت طعناتك هنيه

وكل قطره هم ينزفها.. احساسي تعطر ثيابه

 جيتك ولو كنت لي.. موت وقلبي بايديه

بابوح للعالم بسري .. الحيل من الصبر مابه

جبرتوني اكتم بصدري.. وتفجر الصدر و ما بيه

قلت ماابيك يا خلي .. وقسم بالله كذابه

صدقتني يوم اجبروني .. يعني مو باين عليه

يعني ما شفت بعيوني..غرامك وماصار باسبابه

يكفي وجهك من عرفته ..انسج صباحي بضيه

وكل ما تنام اتمسى .. وبداخلي صباحك اغتابه

ليتك قبل ماعشق.. رحلت ولابانت النيه

ليتني قبل ما اضعف .. وتشوف عيوني سحابه

قدرت احكم احساسي .. واصحى من احلام ورديه

قبل لا يجي وقت .. ويفرض غيابك عذابه

ادري مايفيد ..وما يفيد .. هذا المقسوم ليه

تغيب ويموت احساسي.. وباقي الماضي احيابه

وحتى لاخر انفاسي .. ابقى للماضي وفيه 

ღمخرجـ ..     

تهددني بغيابك ..غيب

بس خلاص لا تنتظر..

دامك تهوى عذابي ..

وشفتني وانا احتظر

تطمن احساسي مات .. ومابقالي شي بالمختصر ..

اي يا كل العمر ..

دعاء الجفري  ღ    

غلاهم

غلاهم

يسعد قلوبهم ربي ويسعدلي مساهم 

ناس مايوفيهم الحكي مهما حكيت

انا هنا وخذوني مني معاههم 

يا عساني ما انحرم منهم وياليت

ما تغير الايام فيهم شي يا عساهم 

من غلاهم اكسر ابياتي بيت بيت

وتخذلني حروفي لو اوصف غلاهم

من طيبهم لو قلت طيبين استحيت

يا قدرهم يا اخلاقهم ياكم اهواهم

فديت عشرتهم بكل ما املك فديت

من الغلا والمحبه حبيت دولتهم معاهم

من قلبي اقول يفداك قلبي يالكويت

♥ دعاء الجفري

جيتك

جيتكـ ღ

كذبوا وقالوا ... قلبي مع غيرك مصيره

كذبوا وقالوا .. مايبيك اهون عليك فراقه

ღ

هذي انا وقلبي نجيك .. نحمل اشياء كثيره

وبكره يتبعنا مصيرهـ .. خلنا الليله بخفاقه

انا ما ابكي .. وجاك يبكي ودموعه غزيره

تصدقهم فيه ... وما تبيه ومكانك اعماقه 

ღ

لافكرت ولا قدرت .. وش الورد لو فارق عبيره

وكيف يكون الصبح لو غابت طلة اشراقه 

وكيف اكون ياكل الناس من دونك بديره

لحالي او مع ظلالي ياشين الوحده حراقه

ღ

هذا الحال من بعدك و اجهلت حال غيره

لا تستغرب ليه جيتك والعيون بالدمع براقه

لا تستغرب كيف جيتك وانا لشموخي اسيره

ما ارخصت نفسي يوم جيتك متعجبه ومشتاقه

ღ

حايره ياكيف قلبك يصدق ووشهو تبريره 

ما ابي اعاتبك واتعب يكفي القلب ما ذاقه

جيتك اذكرك لاني (احبك) مابي اطولها قصيره

رغم غروري وعمق بحوري وشموخ عالي افاقه

ღ

جيتك لاني بنت صغيره وانا كبيره كبيره

جيتك وجابني طيبي لجل يكشفلك اوراقه

جيتك لاني انا الي ما عمره خانه ضميره

وضميري الذي حرم علي غيرك عناقه

ღ

جيتك الليله كذبهم .. ما بقى فيني مصيره 

وانا الي ما يبكي .. وخانته الليله احداقه 

ღ دعاء الجفري

مليت

مليت ●●

ابي اجبر نفسي عليك   ●●  حاولت وماني قادر

ياشينه شعور انسان   ●● لاعاف طاري انسان

اعترف مالي عذر ●● وما ابيك تكون لي عاذر

وانا ماغلطت اليوم  ●● من البدايه كنت غلطان

ياكبرها اوهامي ●●  يوم قلت بصبر ولك بسافر

ويا صغرها احلامي  ●● يوم شفت فيك اوطان

انت الخيال بحياتي  ●● وضاع كثيرها وانا صابر

كافي وماني متحسف  ●● على الماضي ولاندمان

كنت صغير و جاهل ●●  ليه انت ماكنت شاطر

وقلت فوق انا وهمك ●● صدقني منك زعلان

ولا تدري ليه ازعل ؟! ●● دام الحكايه من الاخر

ندري ان لقانا صعب ●● ودوم نستسهل النسيان

ارجوك افهم اني  ...!  ●●  ماعاد لي فيك خاطر

او بالصراحه ●● حرام نعيش وكل مننا تعبان  

●● دعاء الجفري

الامل

الامل..♥

موتي قبل موت الامل فيني 

ودام بي عقل ما ابي انسى ..♥

شي تمنيته وعشت لجله سنيني

♥..انفطر قلبي عليه وماضني يقسى

كل ما اكبر يكبر قبلي حنيني..♥

لشي ابيه ويروي احساسي بحسه

صبرت عليه ولا ادري لو يبيني

 الي اعرفه شي ما اقوى ادسه..♥

شفته حلم ..♥ وابي تشوفه عيني

من الصغر طلت علي شمسه 

ماهمني شعوره بس الحلم يعنيني

♥..ايه باطوله واشوف قلبه وارسى 

دعاء ♥

طلبتني

طلبتني

طلبتني بعد غيبه ..اي غريبه .. وخارج المألوف

تعجبت لحاضات ولكني ..صدقت لاني.. كنت احتريك

جيتك من الوله طاير ابي اشوفك ومن { الفرح } ما اشوف

وشوقي جابني لعندك.. اي وربك.. مثل ماكنت اجيك ..!

اخذني شعوري لك وشدني طيفك وهو{ سيد الطيوف }

وسيد قلب تعلق بيك .. ولو ناديته من اخر الدنيا يلبيك

يا بعد كل غالي واغلى ما يملك العاشق الملهوف

يا شي من غلاته احترت ايش افديك وكيف اناديك ؟!

هذي انا جيتك كلي اشواق ودموع ما تكفكفها كفوف

قلتلك احبك وادري تحبني ولا غيري احد يسليك 

 وردك علي نظره انهتني وذبلت بلساني الحروف

(( الله يسامحك مناديني عشان تقول لي ما عدت ابيك ))

لا تبررلي المسافه لا تقول ما يصير ولا تعذر بالظروف

عادي تصبر وتتعب{ لو كنت فعلاً تحب }وكان الحب يعنيك

يا حبيبي يا بعد حيي يا عيون ارتجيها واحتري فيها رؤوف

يا حلمي المستحيل ويستحال اهنيه يابدايتي بانتهي فيك

انت شي لو فقدته يمتلي ليلي دموع والصبح يعتريه خوف

 صدقني لو ماكنت دنيا كان ما خليت روحي بين اياديك

حبيتك وماهو ذنبي .. ومستحيل تحبني { بالغصب معروف }

انا قلت الي علي ..وما بقى شي لي .. وعلى كيفك بخليك

روح فمان الله وفي غيابي ادعي لي يا علها تعوف

واذا استضعفتك حالتي ..وكسرت خاطرك لا تجيني ناهيك

مصير الواقع بيوم يوقف ولو كان { موته يعنيه } الوقوف

ترى اهون من انه يقول لقلب احبك وينرد عليه ما ابيك

دعاء الجفري

قلت ما ابيه

قلت ما ابيهـ ..!

قلت ما ابيه..

ما احبهـ ما اشتهيهـ

برحل عنه بعيد وبانسى .. وقلبي الحاني بيقسى

وفجأهـ بغربتي

غصب عني العين تبكيهـ

.....

كنت بكل الناس اشوفه

اشلون عيني تعوفه؟!

قدامي 

بكل الزوايا ..كل الوجوهـ ..والمرايا

اشوفهـ

جرحي ودوايا .. 

وماهمني ..عاشق سوايا

المهم اني ابيهـ .. بعد ما قلت ما ابيهـ

.....

اسألوهـ يكفيه؟!

لو شاف نفسه في عيني

لو كان هناه ديني

ولو عشت عشانه عمري

ومهما جفا زاد صبري

امانه ما يكفيه ؟

حالي ما يصعب عليه 

وشوقي ودمعاتي وسهري

وقلبي يركضله ويجيه ..بعد ما قلت ما ابيه

.......

للأسف 

صرت من حرفي اخاف

واخاف .. !

من زلتي والاعتراف

اخاف من كل شي قدامي

يسمعني وانا اصرخ كرهتك 

واغلط ..! 

بالاسامي ...واناديك

ويقولوا حشا ما عفتكـ

للأسف

الكل عرف وشاف

وانا ارفض الاعتراف

( قلبكـ )

انا ميت عليهـ ,,بعد ما قلت 

ما ابيهـ

دعاء الجفري

السحاب

عالسحاب..ღ

من قال انك بشرღ ..ومن يقول انك ملاك

انت شي عالبال ماخطر.. ღبالفعل غاب

اعجز بوصفك ღ..بس مين الي بمستواك

مثلك حرام يمشي .. ღ ويدوس التراب

حرام من يشيلك ..على {راسهـ} ومشاك..ღ

مثلك تنفرشله السما ورد ღ ويدوس السحاب

ويغار القمر ღ وتقبل نجومه موضع خطاك

ودامك عالتراب تدوس لك عالتواضع ثواب

دعاء الجفري