الأربعاء، 24 فبراير 2010

جيتك


جيتكـ 

كذبوا وقالوا ... قلبي مع غيرك مصيره
كذبوا وقالوا .. مايبيك اهون عليك فراقه
هذي انا وقلبي نجيك .. نحمل اشياء كثيره
وبكره يتبعنا مصيرهـ .. خلنا الليله بخفاقه

انا ما ابكي .. وجاك يبكي ودموعه غزيره
تصدقهم فيه ... وما تبيه ومكانك اعماقه 
لافكرت ولا قدرت .. وش الورد لو فارق عبيره
وكيف يكون الصبح لو غابت طلة اشراقه 

وكيف اكون ياكل الناس من دونك بديره
لحالي او مع ظلالي ياشين الوحده حراقه
هذا الحال من بعدك و اجهلت حال غيره
لا تستغرب ليه جيتك والعيون بالدمع براقه

لا تستغرب كيف جيتك وانا لشموخي اسيره
ما ارخصت نفسي يوم جيتك متعجبه ومشتاقه
حايره ياكيف قلبك يصدق ووشهو تبريره 
ما ابي اعاتبك واتعب يكفي القلب ما ذاقه

جيتك اذكرك لاني (احبك) مابي اطولها قصيره
رغم غروري وعمق بحوري وشموخ عالي افاقه
جيتك لاني بنت صغيره وانا كبيره كبيره
جيتك وجابني طيبي لجل يكشفلك اوراقه

جيتك لاني انا الي ما عمره خانه ضميره
وضميري الذي حرم علي غيرك عناقه
جيتك الليله كذبهم .. ما بقى فيني مصيره 
وانا الي ما يبكي .. وخانته الليله احداقه 

دعاء الجفري

ليست هناك تعليقات:

إرسال تعليق