طلبتني
طلبتني بعد غيبه ..اي غريبه .. وخارج المألوف
تعجبت لحاضات ولكني ..صدقت لاني.. كنت احتريك
جيتك من الوله طاير ابي اشوفك ومن { الفرح } ما اشوف
وشوقي جابني لعندك.. اي وربك.. مثل ماكنت اجيك ..!
اخذني شعوري لك وشدني طيفك وهو{ سيد الطيوف }
وسيد قلب تعلق بيك .. ولو ناديته من اخر الدنيا يلبيك
يا بعد كل غالي واغلى ما يملك العاشق الملهوف
يا شي من غلاته احترت ايش افديك وكيف اناديك ؟!
هذي انا جيتك كلي اشواق ودموع ما تكفكفها كفوف
قلتلك احبك وادري تحبني ولا غيري احد يسليك
وردك علي نظره انهتني وذبلت بلساني الحروف
(( الله يسامحك مناديني عشان تقول لي ما عدت ابيك ))
لا تبررلي المسافه لا تقول ما يصير ولا تعذر بالظروف
عادي تصبر وتتعب{ لو كنت فعلاً تحب }وكان الحب يعنيك
يا حبيبي يا بعد حيي يا عيون ارتجيها واحتري فيها رؤوف
يا حلمي المستحيل ويستحال اهنيه يابدايتي بانتهي فيك
انت شي لو فقدته يمتلي ليلي دموع والصبح يعتريه خوف
صدقني لو ماكنت دنيا كان ما خليت روحي بين اياديك
حبيتك وماهو ذنبي .. ومستحيل تحبني { بالغصب معروف }
انا قلت الي علي ..وما بقى شي لي .. وعلى كيفك بخليك
روح فمان الله وفي غيابي ادعي لي يا علها تعوف
واذا استضعفتك حالتي ..وكسرت خاطرك لا تجيني ناهيك
مصير الواقع بيوم يوقف ولو كان { موته يعنيه } الوقوف
ترى اهون من انه يقول لقلب احبك وينرد عليه ما ابيك
دعاء الجفري
ليست هناك تعليقات:
إرسال تعليق