الأحد، 7 نوفمبر 2010

الا الخيانه


الا الخيانه

كل خطا منك اخلق له عذر 
الا الخيانه في شرع حبي كبيره
لو تعزف اعذارك لو تبكي مطر
ما طهر جرحك ولا خف تاثيره 

اكره غرامي لك و يملاني القهر
ليه كانت لي مشاعر ضريره
بالقلب نبضه ورا نبضه تنتحر
مسكين هذا القب بايدك مصيره

ماهي حكايه عاشق و خاطر انكسر
ولا مفارق روح في روحك اسيره
لو تعرف بمعنى الخيانه يا بشر 
 ما تثق حتى بهوا تتنفسه ديره 

صرت اخاف من ظلك لي حضر
بايده خاينه لي او جرح غيره
وجودك يعني احساسي في خطر
اتفه الزلات منك جرحي تثيره

ابعد عن دروبي انوي عالسفر
هاجرعن كياني والعقل و تفكيره
ممكن يذوب ما بين ضلوعك حجر
ممكن يحس بان طعناتك مريره 

لملم الماضي واحلا ايام العمر
و اتامل جروحك بي للمره الاخيره
لا ضاع الوفى ضاع من بعده الصبر 
هي خيانه والسلام وهالبعد خيره

دعاء الجفري


ليست هناك تعليقات:

إرسال تعليق