السبت، 25 ديسمبر 2010

لا لي حول او قوه


لا لي حول او قوه

امانه لو عشق غيري يادنيا لا تخليني
اموت غيره اوحسره و اعيش العمر مكسوره
امانه لو عشق ثاني بغيره حب هنيني
ينسيني قسى وقتي يداري قلبي وكسوره

انا لو مرني ظله يبوح شوق بعيني
فضيحه نظره العاشق تذل شموخ مغروره
لالي حول او قوه على حب معنيني
جبرني حظي اعيشه وعلى فرقاه مجبوره

اشوفه من بعد غيبه وله هيبه تبكيني
اغض الطرف عنه و يذبحني دفا نوره
معنى نظره في سكوته ادري يافلانه تبيني
و معنى بسمته لي يا اغلا حب معذوره

ادري به  يحبني موت ويدري بلهفة حنيني
و مؤمن الفرقا قدر مكتوب وبانت سطوره
قهر لو دارت الايامي وشفته بيوم ناسيني
اسال عنه ويقول بخير يا اختي مشكوره

قهر وياخالقي ارجوك من هاليوم تعفيني
ما اتحمل الم نكران ويكفي عـ الفرقا صبوره
واذا هو قدر غيري  يارب بغيره ارضيني
حتى لو التقينا بيوم القا من اخذ دوره


دعاء الجفري




ليست هناك تعليقات:

إرسال تعليق