الرحم
شفتك الدنيا وشفت .. الي ما خطر عالبال
تفارقنا و شفت النور.. الي ما سبق شفته
تفارقنا وشفت بيني .. وبين الراحه وصال
عرفت النوم والضحكه ..وبالي حيل طمنته
تخيل حتى بغيابك .. قلت لو الوقت طال
ما اخون وعدي لك ..وانت الوعد خنته
وعدتني تكون البير .. وانا في صمتي مثال
ليتني ما صدقت قلبك.. ولا عالسر امنته
تفارقنا وسكت وانت ... قلت قال وقال
كلام اخجل اسمعه ..ياكيف اكون قلته
فهمني يا اسودالقلب ..لا يا اسودالافعال
شالي جنيته اليوم .. بالي علي تقولته
تدري الناس وش قالوا ..حتى هذا الطبال
الي امس طبلك .. وخصرك له رقصته
ومنهم الي صفقلك .. حتى الدون والانذال
قالوا عنك الليله .. ملعونه امٍ انجبته
سواتك ما يسويها من .. ربته ايد رجال
بايدك اعلنت ثمنك ..وبرخص الثرا ثمنته
يا عساك ما تسمع .. غير شين الفال
بعد الي تقولته.. وانا الليله سمعته
بكيت عيني وياكم... دمع منك سال
ما حشمت عشره ولا ..الرحم حتى حشمته
ولا قدرت ظهر الي .. كان لهمومك الحمال
حتى كفي مديته .. قطعته الليله وهنته
تفارقنا وظلمك لي .. نسيته يومها وزال
ليت بيني وبينك.. جيت وقلبي قتلته
دام بوجودك قتَّال.. وبعد فرقاك قتَّال
ليتك قتلته قدامي... ولا وراي طعَّنته
ليتك ماشمت فيني... ولا فيك العذال
ادري ماتفيد ليت ...دام الدرس تعلمته
كل انسان ونواياه ..ما ظني تجهل الموال
ياما وياما حذرتك.. ياما وياما رددته
ثمنت قدرك بالثرا ..حرمت فيك الاموال
بارميك تحت الاقدام.. دامك بالثرا بعته
مكانك القاع مكانك ..ولوفاض بك زلزال
هذا حصاد ايدينك... و هذا الي اخترته
دعـــــــاء الجـــفــري
ليتك ماشمت فيني... ولا فيك العذال
ردحذفادري ماتفيد ليت ...دام الدرس تعلمته
كل انسان ونواياه ..ما ظني تجهل الموال
ياما وياما حذرتك.. ياما وياما رددته
Up Up ;D
j.non
ماا انحرم هالطلهـ
ردحذف=)