حلمي

اشكركم ..لانك...بتقروا لي ..
واعزكم ..للي يعزوني
واحبكم ...لكل الي قلت لهم ..احبك .

واحب ...هذا الشعر ..

حلمي
يوم يموت الوقت وتحتضر اخر ثواني بمولد لحضات
تطرق على باب احلامي بصمت وتحرر الحلم المنتظر

وانتظر موت الثواني على هون واصرخ لحضتي جات
ويصيب هالعالم سكون صرختي لحظة ما يجمعنا القدر

باشوفك من بعيد واتنكرك واغض ما بقالي من نظرات
خوفي وانا في حظن عينك اتناثر واضيع بعد ما انكسر

ابي اهرب ولكن! نظرتك قيودي وقفتني طايح بثبات
وابي اشد خطوتي واركض لك عيت وزاد فيني الضجر

واذبل بمكاني كل ما تقترب كأن خطاك تتبع الدقات
على كل نبضه خطوه! لين اقتربت وتركت خطوة خطر

ناديتني بهدوء ! خانني صوتي واخنقت حرفي العبرات
بانطق اسمك بناديك بسألك بطلبك على غيبتك عذر

ولكن صمتي القاسي سكني وحارب شفاتي على الكلمات
وترك احساسي يتكلم بنظره كفيفه لين ابتدا هطول المطر

وكانه على خدي عذاب كل دمعه تنذرف من ناظري صرخات
لين جات عينك بعيني وابتدى حوار انتظرته سنين كل دقيقه شهر

ناديتني ولبيت حكيتلي وشكيت ايي تكلمنا ولكن بسكات
وغمضت عيني وانتهى الكلام وبقى ما بين سطر وسطر

وفاجاتني لمستك هزت ثبوتي وكأن احساسي بعدها مات
تمنيتها حيل ويوم جات كاني ثلج ولمستك جمر

احرقتني ببرود واصدمتني وحررت صمت الاهات
وقتها قلتها وحروفي ترتعش في شفاتي احبك يا.....

ومن بعدها خفت من نظراتك وخفت اغرق من الدمعات
وارتميت باحضانك وكأني طفل خايف به الانفاس تنتحر

كنت خايف ومشتاق ينرسم فيني من الوان احاسيسي لوحات
ونسيت كل احاسيسي بحضنك وحسيت باحساس ما حسه بشر

باخذ ايدي بأيدك ليه ننتظر اكثر؟وشكثر من الي فات
باعوض سنيني معاك واخذ همومنا وارميهم في بحر


وبمسح دموعي بثوبك ومن ضحكتك تزرع لي الضحكات
سهرت حيل بفرقاك واليوم بانسى النوم ولو طلع الفجر

باغنيلك على الشاطىء وارقص بقلبك واحكيلك احلا حكايات
وانسيك عمر مل الانتظار واهديك من عمري عمر

بعطيك كل شي لا واكثر شوي وباشوفك الضي وكل الحاجات
ولكن ابيك توعدني !
ما تصحيني من حلمي (من اول ابياتي لاخر شطر)
..


دعاء الجفري