حبي يبكيك

حبي يبكيكـ ....!


جابك الله لي ... توني كنت باجيكـ
مدري توارد خواطر ولا همي ناداك

اخر ليله رحت وكنت بصمتي اناديكـ
اخفي شعوري ولقيته عانق شعورك وجاك

جيتني وانا الي كنت عالنار احتريكـ
ابي افرج عن حروف تسجنها بفاك

خايف تقول انتهينا ..باقوللك ما ابيكـ
ودك تقول انساني .. قلبي معاك ونساكـ

وهذا انت قدامي ولا ادري عن اساميك
ما عاد لك شي عندي حتى اقول هاكـ

تطمن ما احبك ... بس اموت انا فيك
تعبت اصارع احساسي ويوقف بوجهي غلاكـ

حضرت ورجف قلبي من رجفة اياديك
موت اللهفه بعيونكـ ولد بجوفي هلاكـ

ما تمنيت اعيش بيوم اشوف حبي يبكيك
كرهتني فنفسي دام اني سبة بكاكـ

تبكي لانك طعنتني وانا بالروح افديك
حبيبك نسى سكينك وجا عالدمع واساكـ

قلتلي تبكي على العشره يا حبي للياليك
انا من مولدي للموت لحظاتي فداكـ

انا وضحكتي وشعري وكل مافيني ليك
ياقمة طموحي ما يهمني شي بعد فرقاكـ

خذاك البخت مني ومدري لوين يوديك
وهذا البخت ذابحني يا عساهـ مو برضاكـ

خل بالك على نفسك خله الله يخليك
وخلي لي الماضي لاتاخذ شي معاكـ

الله يهنيني بالذكرى وبغيري الله يهنيك
معاك الله ياغالي وقلب انسان تمناكـ

سواء تبيني ورحلت اوقلت انتهينا ماابيك
ما يهم اعرف شعورك دام الاخره فرقاكـ


دعاء الجفري