عذري الكذاب
اذا قالوا لك يافلان فلانه عرسها الليله
تقول ارجوك انساها وانسى انكم احباب
وتتعذر بالمسافه بينكم عسره و طويله
بين لهم ما همك وصدق عذري الكذاب
ولو ودك تعرف اكثر عن عرسي وتفاصيله
كان فيني برود ميت وكاسيني الضباب
اسير وبشوك يرموني بليل فاقد قناديله
ابي اكتبلك بدمي وصف لحظات العذاب
كيف الناس تغنيلي وانا اصرخ اهـ وويلاه
ودموع بالخد تجري يحسبون الخجل غلاب
وانا من جرحٍ بي قلت يطيب لو اغنيله
لقيت الغنا عبرات تصرخ حشا ما طاب
ادري انك بتتسأل عن الي سرت له حليله
اجهله مثلك ولا شفت غير طيب الشاب
يسالني عن دموعي ليت اقوه واشكيله
وقال لوكنت مجبوره حشا ماقفل علينا باب
لقيت الدمع يتزايد والبحر فاقد مناديله
وادري انك بتسأل عن عرسي عن الاسباب
باختصر كل الكلام واقول ما باليد حيله
وافهمني على كيفك واعرفك سيد الالباب
واذا تجمعنا بيوم بعد فقدان الوسيله
اطلبك اندثار ذكرى اطلبك نظره الاغراب
وش ذنب الي خذاني اليوم وغرقني بجميله
ووش ذنبي انا الليله وش ذنبك ظنك خاب
تدري قررت اخذ قلبي منك و اهديه له
ولكن وش يفيده قلب من الظيم قد ذاب
من باب الوفا فيني و باب اخلاقي النبيله
باوفيله واتناساك بقوه الواحد الوهاب
اذا قالوا لك يافلان فلانه عرسها الليله
بين لهم ما همك وصدق عذري الكذاب
دعاء الجفري
ليست هناك تعليقات:
إرسال تعليق