على قد نيتك
جيتكـ نيتي بيضه .. وانت نيتك سوده
والله عطاك من عنده على قد نيتكـ
فيكـ من الكون ..طغى فرعون وجنوده
يا قوتكـ ..ويا سبحان من قوته هدتكـ
من ملامحك اتذكر حواجبك المعقوده
يا ترى شالي تغير باين الدنيا ذلتكـ
ما بقابك الا قليل والانكسار من زوده
حطمك يا جلمود ...وذرة الريح جابتكـ
انتثارك بقاعي يترجم لي كلمة مردوده
ضحكه خذتك مني ودمعه منك ردتكـ
ما اتشمت فيك ولا يغرك اسلوبي وبروده
ابسأل ليش جيتني ؟ ..ضاقت بيك دنيتك ـ؟!
تدري اني ما اتحمل فيك ..ويا ماضيك وقيوده
وتدري اني شايل منك على كثر معزتكـ
وكثر مالك غلا ...فيني نار موقوده
ما بيطفيها بحر .. ايش تسوي دمعتك ؟!
غيرت ليني وجف قلبي وذبلت وروده
وما بقى بي حنين ..وكل السبب غلطتكـ
شوف حبيبك ..كيف دمعه يسكن خدوده
شوف حالته ...زياده على بكاك بكتكـ
روح كلي جروح ..تناسى كياني ووجوده
واتحمل حياتك الي ..مثل ما مديتها مدتكـ
اما انا طفح كيلي ..وفاض عن حدوده
ما عاد تنفعني ..ولا تنفعك لي جيتكـ
سواء جيتني ..بيضه نيتك او نيتك سوده
روح...!
والله دايم يعطيك على قد نيتكـ
دعاء الجفري
ليست هناك تعليقات:
إرسال تعليق